Bëgngnüs tl Artejanat.

Bëgngnüs tla Generaziun A

Che al sides chël che mët pormó man da lauré o la ’vedla olp’ tla impresa de formaziun, chël che pîta produc nüs o le cliënt che chir le miú artejan te sües vijinanzes, scolar o professur…
chiló ciafëise informaziun, ispiraziun y ince misciuns importantes incër l’Artejanat de Südtirol.
Nosc Artejanat é la forza economica zentrala, cun rües raisc sotes tla sozieté de Südtirol.
La Generaziun A ves mët porchël a desposiziun sön chësc portal zentral na dërta linia de informaziuns d’öga sön la tematica.
Y spo: la Generaziun A sunse nos düc: jogn, vedli, ëi, ëres, prinzipianc, moastri…
deache öna na cossa stimenëia: la vëia de Artejanat!

Cuchede ite, sc’i chiriëis valch. I ciafarëis tröp!


Mia profesciun ideala tl Artejanat.

Tan desvalia, sciöche tü interesc – la börsa dl laur te Südtirol
Formatadú di media o zipladú artistich? Tradiziun o hightec?
Chireste la dërta formaziun? Deplü impreses pîta l’ocajiun. Lapró ciafeste informaziuns sön les maestries desvalies y le model de formaziun che alda lapró. Südtirol fej valch por tüa cariera.
Cuca ite sön la börsa dl laur: Al paia la mëia!

Matura de profesciun tl Artejanat.

n diplom de scora cun mirit
La matura de profesciun liëia la formaziun tl mistier artejanal cun le diplom de scora.
I un metü adöm informaziuns sön les chances, i miric y les poscibilités da tó pert.
Cuca ite y ciara ci che l’Artejanat de Südtirol mët a desposiziun ince por te!


Scioldi por les idees südtirolejes:

crowdfunding tl Artejanat!
Canche al ne fala nia les idees, mo le finanziamënt, él ince d’atri trus por se daidé fora – ince te Südtirol. Valgügn ejëmpli mostra co che ara funzionëia, y jënt de Südtirol desmostra che ara funzionëia. L’apa/lvh á cherié la pröma plataforma de crowdfunding!
Cuca ite y ciara ci che l’Artejanat de Südtirol mët a desposiziun ince por te!

Da Balsan cina a Abu Dhabi!

Campionac-WorldSkill 2017
14-19 d’otober mostra jogn artejagn de Südtirol a Abu Dhabi ci che ai sá da fá. De bugn resultac é por südtirolesc tl artejanat bele feter na routine, impó tignunse i pügn por:
travert, trata y gol! … ajache por chësc fin s’á i lerneri arjigné ca. Cun pasciun, förtl y ce.


Le plajëi por l’Artejanat de Südtirol.

Chësc é n valur implü – Made in Südtirol
3.470 contrac de formaziun, 13.400 dites artejanales y 43.097 porsones che laora tl Artejanat.
Südtirol vá danfora: lauré sciöche i viun. Realisé cun les mans y fat cun le cör. Na storia de suzes fora dal monn dl’economia… fora da nosta vita – bel daimpró!
» Dati na odlada!!

Generaziun A – on Tour!

Fá para!
Aziuns y aturs acompagnëia la campagna d’informaziun dla Generaziun A te Südtirol. Ala pert él: Mainfelt – le folkrock südtirolesc plü fin. I iniziadus informëia sön les rajuns dla campagna, material informatif, aziuns y porsones de contat. Döt cant por l’Artejanat, por le dagní te Südtirol.


L’Artejanat te Südtirol alda pro i mius.

Passa 90 maestries y 3.000 impreses de formaziun te döt Südtirol pîta la lerch y la liberté da podëi realisé laur y cualité de vita personala.
L’artejanat de Südtirol liëia les tradiziuns y les tecnologies plü nöies, les cualificaziuns plü altes y le talënt personal, la creativité lëdia y les normes reconesciüdes, la domanda atuala y les soluziuns orientades al dagní.
Standarg europeics tla formaziun y diploms da moaster garantësc la segurëza che vá debojëgn.
Standarg internazionai y zertificaziuns de cualité reconesciüdes pîta orientamënt por cliënc y cumpradus.
N laur tl Artejanat respogn realisëia por tröc i dejidérs che ai se mët dant te süa vita profescionala.
Les prestaziuns dl Artejanat realisëia tröc dejidérs, che i nes metun dant tla vita da vignidé.

É pa l’Artejanat de Südtirol n datur de laur interessant?

Le 94% di südtirolesc dij de SCE!
Deach’ai á rajun: 90 maestries; passa 3.000 impreses de formaziun, 13.427 impreses d’artejanat autonomes te Südtirol – y dagnora posiziuns dancá ti concursc nazionai y europeics.
Chësta é la Generaziun A!

L’Artejanat de Südtirol pîta n dagní sigü?

Le 82% di südtirolesc dij de SCE!
Deach’ai é informá. Formaziun, istruziun, surantuta de firmes, svilups ti marciá, ponsiun de vedlëza – Domandes, a chëres che les federaziuns y i ofizi ti dá respostes.
» Chësta é la Generaziun A!

L’Artejanat de Südtirol pîta la poscibilité da se desfiré de deplü versc?

Le 65% di scolars de Südtirol dij de SCE!
Deache l’artejanat é fat de idees. 90 maestries desvalies pîta lerch bel assá por le svilup dl talënt y dl savëi tla profesciun y tla planificaziun dla vita.
» Chësta é la Generaziun A!

L’Artejanat de Südtirol pîta laur de grup?

Le 92% di artejans de Südtirol dij de SCE!
Deache te Südtirol vá döt man tla man: impreses de formaziun, scores profescionales y federaziuns é n team che se capësc. Te Südtirol vëgnel sostigní les cualificaziuns, le diplom da moaster, la fondaziun de impreses nöies.
Chësta é la Generaziun A!

L’Artejanat de Südtirol porta responsabilité por sü colaboradus?

Le 97% di artejagn de Südtirol le fej!
Deache l’artejanat liëia. Chi che laora man tla man, respeta y aprijëia la porsona, so laur y süa individualité.
» Chësta é la Generaziun A!

Él pa ”in” da lauré tl artejanat?

Le 53% di studënc de Südtirol le sá!
Cun i atri 47% messunse ciamó n iade baié: Ci fejeste pa, canche to PC n’á nia la dërta, canche to auto mëss gní condüt ala revijiun, canche to snow-board adora na slaifada ales cantes, canche tüa frisur é ”out”… te vas da to artejan de crëta.
» Chësta é la Generaziun A!


Olache i odëis chësc sëgn sëise tl dërt post!