É pa l’Artejanat de Südtirol n datur de laur interessant?

Le 94% di südtirolesc dij de SCE!

Deach’ai á rajun:


90

maestries

passa 3.000

impreses de formaziun

13.400

impreses d’artejanat autonomes te Südtirol

…y dagnora posiziuns dancá ti concursc nazionai y europeics.

Chësta é la Generaziun A!

Les bones idees vëgn premiades!

Crowdfunding por i Artejans de Südtirol!

Na idea geniala, n produt nü, mo… I proiec inovatifs resta gonot chic, canche i finanziadus tradizionai sciöche banches y daturs de credit ne n’á nia la conviniziun. Por le plü ne depënel nia dala forza creativa, o ciamó demanco dala buna orenté, mo ma dales strotöres classiches y dales poscibilités limitades de de maius istituc.
Cun le crowfunding vára cotan plü saurí!
Sce tröc de pici finanziadus arata che tüa idea sides buna… spo garetel na gran unité!
Cun crowdfunding pón finanzié proiec, produc, startups y cotan d’ater.

» Cliché ite, ciaré… fá para!

Worldskills

Sint la pasciun tl Artejanat: Generaziun A
Südtirol ciapa fora tl monn.

I artejagn jogn de Südtirol mostra so savëi por i Campionac WorldSkill.
Te chësta ocajiun röia nüsc partezipanc incërch tl monn: 2015 é sté Sao Paulo tl Brasil staziun di campionac Worldskill. D’otober 2017 jará la misciun a Abu Dhabi, la capitala di Emirac Arabs Unis, y tl ann 2019 sará Kazan tla Ruscia söl program …
Ince sce les medaies é le travert, atíra le barat cun colegs da 70 naziuns l’interes di jogn, ai se fej na esperiënza de vita che döra ince a ciasa y por dagnora.
I mistiers söl program dles gares é ma na pert de döta la palëta dles maestries da imparé. Ci che dötes les maestries mostra é indere indlunch le medem: dinamizité, ingajamënt y le plajëi natural por l’artejanat!

» Worldskills

Damanede ma n iade i atri!

La forza nöia dl gröm: Open Innovation
Le prozes dla ”Open Innovation” ti pîta ales firmes idees nöies diretamënter a ciasa, deache al vëgn tut ite tl prozes d’inovaziun ince cliënc, anuzadus, fornidus o interessá. Sües idees, sües esperiënzes y sü bojëgns pó gní tuc en conscidraziun tl prozes de svilup y porté insciö a soluziuns nöies.
L’Assoziaziun provinziala dl artejanat y di sorvisc lvh.apa á chiló bele ponsé cotan inant y ti á dé vita a na fujina de idees daldöt nöia.
La partezipaziun al prozes é dër scëmpla, i vari da fá é rapresentá te na manira tlera y menüda, l’azetanza é alta.
Informésse ma plü avisa – sön la plataforma d’inovaziun gnëise lassura co che ara vá: Open Innovation.

Generaziun A – Cualité, sostignibilité y ocajiuns por le dagní – Made in Südtirol!

Lauré cun cör, man y ce y se realisé se instësc.
Ester a contat cun les porsones y manajé autonomamënter tüa firma.
Lauré cun suzes y man tla man te n team y realisé i traverc che an se mët dant.
Ci che vignun y vignöna singolarmënter tira fora dales prestaziuns dl Artejanat, é na cossa individuala.
Por chësc él a desposiziun na gran oferta. Cualité y valurs che resta – por generaziuns.