Iö y mi lëgn!

→ I sun capaze dl lëgn!

Lëgn é natöra, artejanat, design, energia, regoladú dl tlima, material da frabiché, ispiraziun y vita – y tol ite n post prominënt tla economia de Südtirol. Firmes de formaziun modernes y ingajades, zëntri de competënza moderns y tröc chedri profescionai desvalis assigurëia l’esistënza y le svilup dl material natural plü interessant y funzional. Al tofa bun, al pó gní modelé, al é unich. Le laurant de bosch imparé fora á nu le material lëgn desco planta via y se dá da fá por che les cualités dl lëgn de nüsc raiuns sides sagns y pois crësce inant. Düc i artejanac ajuntifs fej spo le miú dinfora: tëc, möbli, ciases, massaries de laur cina a tasces, injins sportifs, patüc da fá la belëita y material de costruziun. Te vëghes: lëgn é vita – y impormët bun: brancia do y fá val’. Dantadöt chës cosses, por chëres che to cör bat!