Plata d’informaziun

Matura acompagnada da na maestria tres n contrat da lernariat

Bien nü por artejagn jogn, che aspirëia a na matura:
„Matura acompagnada da na maestria tres n contrat da lernariat“.

Cun l’ann de scora 2017/18 á lerneri te Südtirol por le pröm iade la poscibilité da s’arjigné ca al ejam de maturité te n bien lié al laur.
Precondiziun é danter d’ater le contrat de lernariat. A chësta manira pó lerneri s’arjigné al ejam de Stat dla scora alta, zënza messëi dé sö le laur.

Le proiet pilot ti baia ados a porsones cun diplom de scora profescionala te chisc mistiers d’artejanat y industria.

  • Eletrotecnich/a
  • Tecnich/a dla comunicaziun
  • Mehatronich/a
  • Zipladú/ëssa te pera
  • Moradú/uria
  • Zumpradú/uria
  • Mecanich/a de mascins
  • Slosser/a
  • Feur/a
  • Fáinjins
  • Formatadú/ëssa di media – digital y print
  • Formatadú/ëssa di media – tecnica

Post: Scora profescionala por artejanat y industria a Balsan.
Termin: 15 de merz 2017

Criters de azes

  • Porsones danter 15 y 24 agn
  • ester en posses de n diplom de formaziun profescionala (ejam da maester dl laur do na scoraziun de 4 agn o 4 agn de frecuentaziun de na scora profescionala) ti mistiers preodüs
  • avëi despassé la metoda d’azes
  • y al plü tert dal 1. de setëmber dl medem ann inant n contrat de lernariat varënt por jí le tru dl ejam de Stat

La metoda d’azes:
É metüda adöm da döes perts:
– proa scrita de todësch y cunc
– proa a usc, te chëra che al vëgn ejaminé les conescënzes de talian, inglesc y economia aziendala, desco ince la motivaziun di candidac.

Lapró vëgnel valuté les prestaziuns di candidac
– tratan le 4. ann de scora y
– l’ejam de contlujiun dla formaziun/proa de diplom desco ince
– ativités extrascolastiches.

Liberaziun da punc dá dant tla metoda de azes:
Talian, sce al é dan man chisc titui:
– Atestat de bilinguism B o
– atestat de lingaz detlaré a livel internazional, livel B1

Ingesc, sce al é dan man chësc:
– atestat de lingaz detlaré a livel internazional, livel B1

Insegnamënt de economia aziendala, sce al é dan man chësc:
– Pert „Gestiun d’impreja“ dl ejam da maester dl laur
– EBCL-Patent dl auto

Incuntades de preparaziun y termins

I termins de preparaziun atoca les materies todësch, cunc, economia aziendala, talian y inglesc.
– Todësch y cunc: 18.03., 25.03., 01.04. y 08.04.2017
– EA, Talian y Inglesc: 29.04., 06.05., 13.05., 20.05., 27.05. y 10.06.2017

Metoda d’azes:

La proa scrita de todësch y cunc (matematica) é ai 22 d’aurí 2017.
La proa a usc de EA, Talian, Inglesc é de jügn-messé.
Chësc termin i vëgn lascé al savëi ai candidac che á despassé l’ejam scrit adorassá.

Curs de introduziun (Propedeuticum):
Do la proa d’azes despassada y dan le mëteman dl ann de scora regolar (spana de tëmp provisora jügn/messé 2017) gnaral tigní n curs de introduziun, te chël che i candidac pó refá tres intervënc individuai defizic eventuai. La partezipaziun é obliënta.

Mëteman ofizial dl bien: 8 de setëmber 2017

Le model d’organisaziun dl bien:
Le bien s’aspana fora por 2 agn de scora resp. 4 semestri (2017-18 y 2018-19), l’ejam de maturité é söl program de jügn-messé 2019.
Le bien tol ite incër 1.232 ores de leziun de 50 menüc porom, partí sö sön 154 dis.
Vigni dé de scora á 8 ores de leziun.
I dis de insegnamënt é partis sö insciö:
– Semester 1, 2 y 3: scora tres döt le de le vëndres y la sabeda
– Semester 4: scora tres döt le de la jöbia, le vëndres y la sabeda
Al é obliënt da frecuenté les leziuns.

Contignü dl bien:
Materies generales:
– Pröm lingaz provinzial
– Secunt lingaz provinzial
– Inglesc
– Matematica (Informatica)
– Sciënzes de dërt y economia
– Storia y educaziun zivica

Ciamp de proiet:
– Management de proiet
– Proiec spezifics de stüde
Materies spezifiches de stüde (p.ej.: relaziun tecnica)
– Fisica tecnica

Contrat de lernariat:

  • Contrat de 2 agn de aprendistat (lernariat) cun le fin da arjunje le diplom dl ejam de Stat cun la poscibilité d’arlungiada cina a n ann, sce al n’é ciamó nia gnü arjunt a contlujiun dl contrat de lernariat le diplom preodü
  • Majera eté por stlü jö chësc contrat de lernariat: 24 agn y 364 dis
  • Contlujiun cina al 1. de setëmber dl pröm ann dl bien acompagné dal mistier (por n chësc ann: 1. de setëmber 2017)
  • A despassamënt dla matura se röia le contrat de lernariat automaticamënter y passa ia a n contrat de laur indeterminé
  • Classificaziun do avëi fat la matura: laurant spezialisé
  • Pro chësc contrat de lernariat vel les cutes soziales smendrides, sciöche por l’insegnamënt por arjunje le diplom da maester dl laur
  • Le paiamënt gareta a na manira progressiva:
    1. ann de scora: 70% dl paiamënt de n colaboradú spezialisé
    2. ann de scora: 80% dl paiamënt de n colaboradú spezialisé
    Bonus de +5% tl paiamënt le pröm ann de scora, sce le lerner á stlüt jö l’ejam da maester dl laur cun na mesaria tles notes plü alta co 7,5.

Por plü Infos

lvh.apa Confartajanat Imprejes
Mitterweg 7, Balsan
Mirko Cutrì
Tel.: 0471 323308, mirko.cutri@lvh.it

Scora profescionala provinziala por artejanat y industria
str. Roma 20, Balsan
Rosy Piaia
Tel.: 0471 540703, rosy.piaia@schule.suedtirol.it